Arijan Ademi pritet të luajë sonte për Dinamo Zagrebin në ndeshjen çerekfinale të Liga Europës kundër Viljarealit, edhe pse i njëjti kishte pësuar një lëndim serioz.
Dinamo e tij sonte në “El Madrigal” do të kërkojë që të përmbys rezultatin nga ndeshja e parë në Zagreb, kur humbiste me rezultatin 1:0.
“Me jepni një injeksion për të bllokuar dhimbjet edhe nëse atë duhet ta marrë në kokë. Kështu ka thënë Arijan Ademi para udhëtimit për në Viljareal, sipas asaj që ka treguar një lojtar i Dinamos. Në këtë fjali përshkruhet i gjithë karakteri i Ademit, futbollistit pa kompromis dhe të pa shkatërruar të Dinamos. E gjithë karriera e kapitenit të madh ishte luftë”, – ka shkruar Sportske Novosti gjatë ditës së sotme për Ademin.
Sipas gazetës së njohur kroate, Ademi është përballur me dyshime e padrejtësi. Është huazuar te Lokomotiva, nuk është ftuar nga Kroacia dhe më pas zgjodhi Maqedoninë e Veriut, është dënuar për doping pas një ndeshje me Arsenalin.
“Është dyshuar në aftësitë e tij si futbollist, por edhe në intergritetin personal. Por Ademi ka fituar të gjitha betejat, të gjitha luftërat. Sot është kapiten i Dinamos, një prej lojtarëve vendimtar te Maqedonia e Veriut që do të luaj në Evropian”.
Ademi ka lëndim të kyçit të këmbës, ka shumë dhembje por ka theksuar se dëshiron të luajë. I ka thënë trajnerit Damir Krznar se nuk vjen në konsideratë që mos të jetë në ekip, raporton EO.
“Rrezikon Ademi, përfundimisht rrezikon. Të luash me bllokadë është lojë e rrezikshme me shëndetin. Mundesh, nuk ndien dhembje, por trupi vuan çdo goditje, çdo kërcim e çdo ndërhyrje rrëshqitazi. E di mirë këtë Ademi, por dëshiron të sakrifikojë në këtë moment të madh për Dinamon. Është tip i tillë, luftëtar dhe që nuk ndalet pas lëndimeve”, ka shkruar Sportske Novosti.
Kësisoj Ademi do të jetë titullarë edhe sonte kundër Viljarealit, ndërsa që të gjithë shpresojmë se sakrifica e tij e madhe, që disa herë e ka bërë edhe me përfaqësuesen e Maqedonisë, ti paguhet atij sonte, duke kualifikuar Dinamon e tij në gjysmëfinale të Liga Europa.
