Një masakër e vërtetë ka ndodhur në Karolinën e Jugut në Amerikë, ku një person ka qëlluar drejt disa njerëzve duke u marrë jetën 5 prej tyre.
Më e habitshmja qëndron në faktin se autori i këtij krimi është, Fillip Adams, një ish-lojtar në futbollin amerikan NFL, i cili ka luajtur për skuadrat e Neë York Jets, Patriots dhe Falcons.
32-vjeçari ka sulmuar fqinjët e tij duke vrarë me armë zjarri 5 prej tyre. Sipas policisë, Adams ka vrarë në fillim dy fqinjët e tij, nipin e tyre 9 vjeç dhe mbesën 5 vjeçe, dhe më pas ka qëlluar një grua që supozohet se punonte në shtëpinë e fqinjëve.
Me të mbërritur policia 32 vjeçari ka vrarë dhe veten, duke përfunduar në një tragjedi me 6 persona të vrarë. Nuk dihen shkaqet pse ish-futbollisti e ka ndërmarrë këtë veprim, por babai i tij në një deklaratë u shpreh se futbolli e kishte dëmtuar shumë djalin e tij.
