Të premten më 26 mars, gjyqi që përfshin skuadrën e njohur italiane të Lacios në çështjen e tamponëve do të fillojë përpara Gjykatës Federale.
Prokurori federal synon të kërkojë një ndalim për numrin një të klubit, Klaudio Lotito, dhe të paktën 6 pikë dënimi në renditjen për ekipin “lacial”.
“Il Messaggero” nënvizon se tashmë nga dokumentet në duart e FIGC dalin konkluzione mjaft të rënda: “Nga pozitiviteti që doli, procedurat e komunikimit me autoritetet lokale kompetente të shëndetit nuk janë përmbushur, përveç një email me përmbajtje gjenerike, pa ndonjë identifikim të rasteve pozitiveve të ndonjë prove dokumentare, si të dërgimit aktual ashtu edhe të marrjes. Masat e izolimit dhe karantinës të përshkruara nga protokollet shëndetësorë për të përmbajtur infeksionin nga Covid-19 nuk janë zbatuar, pasi pozitivët nuk e kanë përmbushur afatin minimal i izolimit të vendosur nga qarkoret e Ministrisë së Shëndetësisë, dhe as që subjektet të cilët kishin pasur kontakte të ngushta me ish (i gjithë grupi i ekipit) mbajtën një sjellje me respekt të karantinës së përcaktuar”, – aktakuza kundër klubit Lotito.
Sipas Prokurorisë, shfaqen kontradikta në lidhje me tamponët e 30 tetorit, para ndeshjes kundër Torinos, pasi mjeku i ekipit Fabio Rodia kishte deklaruar negativitetin e të gjithë grupit të ekipit, ndërsa presidenti Lotito siguroi pozitivitetin e Escalante, Vavro dhe Djavan Anderson.
Trajnimi më 3 nëntor me Immobile, Strakosha dhe Leiva është gjithashtu nën vëzhgim, pavarësisht se Synlab ka komunikuar pozitivitetin e tre lojtarëve ndaj tamponëve të bërë një ditë më parë.
