Maqedonia është rikthyer fuqishëm në ndeshjen me Rumaninë, teksa brenda dy minutave shënoi dy gola për të barazuar shifrat në 2:2, mirëpo nuk vonoi shumë dhe Rumania në aksionin e parë në drejtim të portës së Dimitrievskit arriti që të shënojë golin e tretë me autorë Janis Haxhi, që në fund u tregua edhe si vendimtarë në fitoren 3:2 të rumunëbe, njofton “infOSport.mk”.
Pas dy golave të njëpasnjëshëm në 50 minutat e para lojë të futbollistëve rumun, Tanase (28’) dhe Mihaila (50’), Arijan Ademi në minutën e 83-të me kokë arriti që të ngushtojë epërsinë e vendasve në 2:1.
Ky gol i gjithi foli shqip, pasi Alioski nga e djathta harkoi mjaft mirë në zonën kundërshtare, aty ku Ademi me kokë shënoi një gol të bukur për rezultat 2:1.
Nuk vonoi shumë dhe vetëm një minutë më pas një asist perfekt nga ana e Enis Bardhit gjeti të vetmuar para portës kundërshtare Aleksandar Trajkovskin, i cili nuk fali, duke baraziar shifrat në 2:2.
Festë e madhe në mesin e futbollistëve të Maqedonisë, të cilët megjithatë nuk arritën që të ndalin aksionin e rradhës të vendasve, të cilët me shumë lehtësi me anë të Janis Haxhi, djalit të legjendës rumune, George Haxhi, arritën të shënojnë edhe golin e tretë në rrjetën e Dimitrievskit, që në fund u tregua edhe si vendimtarë në fitoren e Rumanisë.
Maqedonia pas këtij goli tentoi me çdo kusht të shënojë edhe golin e tretë, i cili erdhi në minutën e 3-të shtesë, mirëpo i njëjti u anulua, pasi Arijan Ademi në ato momente kishte shënuar nga një pozitë jashtë loje.
Në dy ndeshjet tjera të grupit “J”, Gjermania me rezultatin 3:0 mundi Islandën, ndërkohë Hungaria dhe Polonia barazuan me shifrat 3:3. (infOSport.mk)
