“Gran Gala del Calcio” në edicionin e 10-të, ka shpallur fituesit për sezonin e kaluar, duke vlerësuar trajnerin, arbitrin dhe futbollistin më të mirë në Serie A.
Juventusi i Mauricio Sarrit që kishte fituar titullin kampion, kishte tre futbollistë në formacion, të votuar nga një juri e përbërë nga trajnerë, arbitër, gazetarë dhe futbollistë.
Çiro Immobile e mbylli sezonin 2019-2020 si golashënuesi më i mirë në Serie A 2019-20, ndërsa Xhian Piero Gasperini si trajneri më i mirë.
Ronaldo u shpall futbollisti më i mirë i vitit, ndërsa Kristiana Girelli po ashtu e Juventusit, si lojtarja më e mirë femër.
Atalanta u shpall klubi më i mirë, pasi e mbylli sezon në vendin e tretë në Serie A dhe u kualifikua në çerekfinale të Ligës së Kampionëve.
| Gran Galà del Calcio: |
| Formacioni i vitit: Donnarumma; Gosens, De Vrij, Bonucci, Theo Hernandez; Barella, Gomez, Luis Alberto; Dybala, Immobile, Ronaldo. |
| Trajneri më i mirë: Gian Piero Gasperini (Atalanta) |
| Arbitri më i mirë: Daniele Orsato |
| Lojtarja më e mirë femër e vitit: Cristiana Girelli (Juventus) |
| Lojtari më i mirë mashkull i vitit: Cristiano Ronaldo (Juventus) |
| Skuadra më e mirë: Atalanta |
