Elseid Hysaj në fund të këtij sezoni futbollistik pritet që të largohet nga Napoli, bëjnë me dije mediat në Itali. Së fundmi lidhur me të ardhmen e mbrojtësit të Kombëtares shqiptare, ka folur edhe Pino Vitale.
Ky i fundit për mikrofonët e “CMIT TV” i ka thurur elozhe futbollistit shkodran, duke deklaruar se nuk do ta ketë të vështirë të gjejë skuadër.
Sipas tij, eksperienca e mjaftueshme e anësorit të linjës së djathtë e bën atë të dobishëm për shumë ekipe.
“Hysaj tani është një lojtar i pjekur. Më duket se pronarët nuk janë të lumtur me të te Napoli. Hysaj për mendimin tim është i mirë. Nuk besoj se ai do të ketë vështirësi për të gjetur një skuadër të re. Si mbrojtës, është futbollist i mirë.
Lacio? Ai mund të shkojë atje sepse është një skuadër që luan mirë, por gjithashtu mund t’i bashkohet edhe Fiorentinës. Tregu është i hapur për të“, ka thënë ish trajneri i Empolit, Pino Vitale.
