Babai i legjendës turke të futbollit Hakan Shukur është dënuar me 3 vite e 6 muaj burg. Vendimi u dha sot nga gjykata e Sakaryas, disa vite pasi i biri i tij, u largua nga partia e Presidentit Erdogan ku ishte deputet duke u larguar për në SHBA pas fillimit të përndjekjes së ndjekësve të mendimtarit turk, Fethullar Gylen.
Shukur ishte një ndër figurat e rëndësishmë që presidenti Rexhep Taip Erdogan i kishte kërkuar të kandidonte për partinë e tij. Pasi e refuzoi disa herë kërkesën e Erdoganit duke thënë se ishte futbollist dhe jo politikan, Shukur pranoi të kandidonte në Stamboll duke fituar vota maksimale.
Shukur u largua nga partia e Erdoganit pasi kundërshtoi përndjekjen e ndjekësve të Gylenit nga qeveria e Erdoganit.
Pasi Shukur u largua për në SHBA, policia turke arrestoi babain e tij me akuzën e mbështetjes së gylenistëve duke i dhënë sëfundmi një dënim prej 3.5 vite burg.
Arrestimi i tij u konsiderua gjerësisht si një hakmarrje ndaj të birit Hakan Shukur. Një fat të ngjashëm kanë patur edhe prindërit e yllit të NBA-së, Enes Kanter, i cili gjithashtu jeton në SHBA dhe kundërshton qeverinë e Erdoganit. (abcnews.al)
