FC Shkupi pritet të vendosë rekordin e ri për transferimin më të shtrenjtë në Ligën e Parë Futbollistike të Maqedonisë. Dembo Darboe, sulmuesi që ka shënuar 16 gola në 18 ndeshje në LPFMV, do të transferohet te kampionët e Bjellorusisë, Shakhtar Soligorsk, drejtuesit e së cilës skuadër për shërbimet e 22-vjeçarit nga Gambia, sipas asaj që mëson jo zyrtarisht “infOSport.mk” do të duhet të paguajnë shumën e 700 mijë eurove.
Ky do të jetë transferimi më i shtrenjtë i bërë në futbollin tonë vendor, derisa rekordin e mbante një tjetër klub shqiptar, Renova.
Skuadra nga Xhepçishti verën e vitit 2019-të e kishte shitur sulmuesin Vlatko Stojanovksi te skuadra franeze e Nimes për shumën e 300 mijë eurove, derisa Shkëndija në verën e vitit 2018-të kishte përfituar 250 mijë euro nga shitja e Enis Fazlagiç te skuadra sllovake e Zhilinës. (infosport.mk)
