Formacioni ideal Shqipëri-Kosovë e parë në këndvështrimin e trajnerit Oltijon Kërnaja për “Sport Ekspres”
Jemi një komb, por të ndarë me dy ekipe në futboll! Nëse do ishim një edhe në këtë sport, atëherë do të krijohej një ekip solid që do arrinte pa shumë vështirësi në kompeticionet më të mëdha të futbollit në Europë dhe botë, duke e kthyer kualifikimin në normalitet.
Sistemi ideal i do të ishte 1-3-5-2! Duke u nisur nga numri i lartë i mbrojtësve të qendrës me cilësi dhe duke parë se me çfarë rreshtimi luajnë nepër ekipet e tyre, atëherë mbërrijmë në këtë konkluzion për formacionin më të mirë të përbashkët Shqipëri-Kosovë.
Porta
Thomas Strakosha do ishte titullar duke parë formën e treguar gjatë gjithë sezonit. Etrit Berisha si ekspert do ishte i gatshëm, ndërsa treshen e portierave do ta plotësonte talenti i Tiranës, Visar Bekaj, një portier i së ardhmes!
Mbrojta
Ismajli-Gjimshiti-Kumbulla
Ardijan Ismajli – Erdhi në Kombëtaren tonë, në një moment kritik të mbrojtjes tonë dhe menjëherë i bindi të gjithë!
Berat Gjimshiti – Kapiteni i kësaj Kombëtares, ka pasur një rritje drejt majave, mbrojtësi i vitit në Seria A.
Marash Kumbulla – E kush e priste këtë djegie etapash nga Marashi, vetëm 4 dite stërvitje me Romën dhe të luaj në Formacion ndaj Juventusit, duke u shpallur tek më të mirët.
Të gatshëm
Rrahmani-Dërmaku
Amir Rrahmani e humb duelin me Ismajlin, ky i fundit ka armën shtesë të shpejtësisë.
Mesfusha
Klaus Gjasula– Lojtar i vetëm që mund të bëjë katalizatorin mes repartesh.
Valon Berisha– Cilësia që i mungon Kombëtares tonë. Vrapon dhe luan mirë me topin. Di të vertikalizoj topat dhe të ndryshoj ritmin e ekipit!.
Keidi Bare – Mesfushori që do mendonte për aksionet sulmuese, falë cilesive të tij për të avancuar përpara dhe duke fituar dyluftimet një kundër një.
Milot Rashica- Arbër Zeneli– Shpejtësia dhe teknika e tyre do bënte një Shqipëri shumë sulmuese dhe të paparashikueshme!
Në dispozicion
Hysaj-Kulolli-Celina-Abrashi-Kallaku.
Nje luks i vërtetë ku duke ndërhyrë nga pankina ekipi ynë do të ndryshonte shumë!
Sulmi
Uzuni- Lojtari që po bën shkëlqyeshëm tek Ferencvarosh, ku do të luajë në Ligën e Kampionëve pas plotë 20 vitesh me skuadrën hungareze. I shpejtë, teknik dhe goditje shumë precize.
Muriqi- Sulmues perfekt për 3-5-2. Vrapon, përplaset, mbron, nxjerr ekipin përpara dhe çfarë është më e rëndësishmja, shënon shumë lehtësisht!
Të gatshëm për sulmin
Broja-Cikalleshi-Vrioni
Shpejtësi, forcë, finalizim.
Një Shqipëri e tillë do ishte e rrezikshme për çdo kundërshtar!.
