Pas Hakimit, Vidalit dhe Kolarovit, Interi ka zyrtarizuar një tjetër afrim në merkato, duke “blinduar” kështu repartin difensiv. Bëhet fjalë për mbrojtësin Mateo Darmian, i cili në “Xhuzepe Meaca” vjen nga rradhët e Parmës.
30-vjeçari italian te Interi do të luaj si i huazuar me të drejtë blerje në fund të sezonit. Ai ishte një preferencë e trajnerit Konte, teksa me shumë gjasa do të jetë një alternativë në stolin “zikaltër”.
🚨 | ANNUNCIO
Matteo @DarmianOfficial è un nuovo giocatore dell'Inter: il comunicato 👉 https://t.co/FsDsq0OdUr#WelcomeDarmian pic.twitter.com/GzN5CtEO9z
— Inter (@Inter) October 5, 2020
Për momentin në krahun e djathtë të mbrojtjes, titullarë i padiskutueshëm është Ashraf Hakimi, futbollisti i ardhur nga rradhët e Realit të Madridit, por që së fundmi në formë huazimi luante në Gjermani te Borusia e Dortmundit.
Ndërkohë përveç këtij afrimi të fundit të Mateo Darmian, nga tabori i skuadrës “zikaltër” kanë njoftuar edhe për largimin e mbrojtësit të krahut të majtë Asamoah.
