Antonio Konte do të vazhdojë të drejtojë Interin, kanë njoftuar nga tabori i “zikaltërve”. Një gjë e tillë u vendos sot pas takimit që pati Konte me drejtuesit e skuadrës nënkampione të Italisë. Takimi në të cilin Konte kishte diskutuar aktualitetet e fundit me presidentin Stiven Zhang, drejtorët e përgjithshëm Xhuzepe Marota dhe Alesandro Antonelo, drejtorin sportiv Piero Ausilio dhe një nga advokatët e klubit, zgjati më shumë se 3 orë, transmeton “infOSport.mk”.
Pas finales së madhe në Liga Europa, ish seleksionuesi i Italisë tha se do të braktis rradhët e “neroaxurrëve”.
📢 | STATEMENT
Note from the Club following the meeting with Antonio Conte 👇https://t.co/2piD93bYYy
— Inter (@Inter_en) August 25, 2020
Sipas mediave italiane Konte është i zhgënjyer që vazhdimisht dalin informacione në opinion lidhur me gjërat që ndodhin në klub.
Përveç kësaj, strategu italian nuk do të mund të llogarisë në ndërtimin e një skuadre të fortë për sezonin e ardhshëm, për shkak mungesës së mjeteve financiare. Mirëpo edhe përkundër kësaj, palët në fund ishin dakorduar për vazhdimin e bashkëpunimit.
Në sezonin e tij të parë në krye të Interit, Konte doli nënkampion në “Serie A”, ndërsa gjithashtu luajti edhe në finalen e Liga Europa.
