Shkëndija ka kompletuar transferimin e mesfushorit Bruno Dita.
Mesfushori defanziv 27 ishte pjesë e skuadrës së Skënderbeut në një prej sezoneve me të suksesshme të klubit që në sezonin garues 2017/2018 fituan titullin kampion, Kupën dhe Super Kupën e Shqipërisë, ndërsa për herë të dytë në historinë e korçarëve luajtën në fazën e grupeve të Liga Europa.
Bruno Dita, i cili te Shkëndija do të veshë fanellën me numër 19, ka firmosur kontratë dy vjeçare me kuqezinjtë dhe kjo do të jetë hera e parë që luan jashta Shqipërisë, pasi deri tani ka luajtur te Dinamo Tirana, Besa Kavajë, Teuta Durrës dhe Skënderbeu Korçë.
