Deontej Uilder e kishte rrahur burrin që e kishte sharë në rrjete sociale, Çarli Zelenof në vitin 2014-të, pasi që ky i fundit ia kishte dërguar boksierit të famshëm disa mesazhe raciste dhe ofenduese.
Ish-kampioni i WBC në kategorinë e peshave të rënda ishte pajtuar të takohet me abuzuesin e tij në rrjete sociale, i cili pretendonte se është i pamposhtur në një kamp stërvitor në Los Anxheles, transmeton Gazeta Express.
😯 Remembering the time Deontay Wilder travelled to LA and beat up internet troll Charlie Zelenoff back in 2014. Wilder claimed Zelenoff racially abused him and made threats about his daughter. pic.twitter.com/2RMhuveYGO
— Michael Benson (@MichaelBensonn) May 22, 2019
Uilder kishte udhëtuar deri në Los Anxheles me qëllimin e vetëm për t’ia dhënë një mësim Zelenoffit, i cili kishte bërë komente onlinë për vajzën e boksierit të njohur amerikan, Naieyan, e cila vuan nga një sëmundje e njohur si “spina bifida”.
Tani që të gjitha aktivitetet sportive janë pezulluar me qëllim që të ndalohet sa më shumë përhapja e koronavirusit, tifozët e kanë kujtuar atë përballje mes Uilderit dhe Zelenofit.
Në video mund të dëgjohet se si Uilder i thotë Zelenof që të mos përdorë më kurrë fjalë raciste drejt tij dhe të mos flasë kurrë më për vajzën e tij.
