Janë mësuar emrat e 4 skuadrave gjysmëfinaliste të Kupës së Maqedonisë, në mesin e të cilave do të jenë edhe dy skuadrat shqiptare, Shkëndija dhe Struga Trim Lum, njofton “infOSport.mk”.
Shkëndija në Shkup falë barazimit 2:2, pra golit më shumë të shënuar në transfertë eliminoi Rabotniçkin, skuadër kjo që në Tetovë kishte barazuar me shifrat 1:1. Nafiu dhe Besart Ibraimi ishin autorë të golave për “kuqezinjtë” nga Tetova, derisa Jeftovski nga penaltia dhe Krstovski shënuan golat për “romantikët”.
FC Shkupi edhe përkundër barazimit 1:1 në transfertë ndaj Akademia Pandev, u eliminua, kjo për shkak disfatës 1:0 në ndeshjen e parë në Çair, derisa Bregallnica edhe në ndeshjen e dytë mundi Labunishtën, kësaj rradhe me shifrat 4:1.
Në derbin shqiptarë, Struga Trim Lum mundi Renovën në Tetovë me rezultatin 2:1, rezultat ky i përgjithshëm në dy ndeshjet çerekfinale, duke pasur parasysh se ndeshja e parë në Strugë ishte mbyllur me shifrat 0:0.
Nesër në mesditë do të mësojmë edhe çiftet gjysmëfinaliste, shorti i të cilave do të bëhet në hapësirat e Federatës së Futbollit të Maqedonisë.
| Kupa e Maqedonisë | ||||||||||||
| Ndeshjet e kthimit të ¼ së finales | ||||||||||||
|
(Në kllapa keni rezultatet e ndeshjeve të para & Skuadrat me ngjyrë të kuqe janë kualifikuar në gjysmëfinale)
