Pasi iu ndalua pjesëmarrja për dy sezone në kompeticionet europiane nga ana e UEFA-s, Mançester Siti tashmë rrezikon edhe një dënim tjetër nga Federata Angleze, ndërsa mediat britanike thonë se është në rrezik edhe titulli e sezonit 2013-2014.
Kjo pasi Mançester Siti u dënua për thyerje të rregullave financiare gjatë periudhës 2012-2016 dhe nëse Federata angleze vendos ta dënojë duke i hequr pikë, titulli i 2014-ës rrezikohet ndjeshëm, pasi atë sezon “Citizens” triumfuan me vetëm dy pikë më tepër se Liverpulli.
Deri tani asnjë nga klubet nuk janë shprehur për dënimin e Mançester Sitit, ndërsa tashmë skuadra në pronësi të sheikëve arabë rrezikon të shpërbëhet, sepse pa Europë, pritet të largohen të gjithë yjet me radhë.
I pari që do të lërë qytetarët pritet të jetë trajneri Pep Guardiola, që me shumë gjasë do të ndiqet nga emra si Sterling, De Brujne, apo edhe Aguero, të cilët nuk kanë ndërmend t’i mohojnë vetes garimin në Ligën e Kampionëve.
