Mbrojtësi i Borusia Dortmundit, Mats Humels, shënoi një gol në disfatën 4:3 të Borusia Dortmundit ndaj Bajer Leverkusenit në transfertë.
Humels shënoi golin e parë në ndeshjen e zhvilluar në “Baj Arena”, aty ku gjermani mbante shiritin e kapitenit në krah në mungesë të Marko Reush.
Humels në minutën e 22-të shënoi një gol të bukur me kokë, ndërsa pikërisht ky gol i mundësoi atij një rekord të pabesushëm në Bundesligë.
Mbrojtësi veteran i Dortmundit është futbollisti i vetëm në historinë e kampionatit gjerman që shënon në 12 sezonet e fundit.
Duke pasur parasysh se Humels është një qendërmbrojtës, ky rekord fiton edhe më shumë në peshë për këtë super futbollistë, i cili në fillim të këtij edicioni u rikthye sërish te Dortmundi pas aventurës së pati te Bajerni i Munihut.
Casual #Bundesliga record for @matshummels 🥇 pic.twitter.com/z02GgWNwcv
— Bundesliga English (@Bundesliga_EN) February 8, 2020
