Presidenti i Federatës së Futbollit të Maqedonisë, Muamed Sejdini në “Shtëpinë e Futbollit” ka pritur në takim pune ambasadorin e Kosovës në vendin tonë, Gjergj Dedaj. Në kuadër të këtij takimi u bisedua për ndeshjen ndërmjet Maqedonisë dhe Kosovës që do të luhet për gjysmëfinalen e Ligës së Kombeve për kualifikim në Kampionatin Europian 2020 si dhe për mënyrën e organizimit të kësaj ndeshje shumë të vlefshme për të dyja përfaqësueset.
Presidenti i FFM-së, Muamed Sejdini shprehi përkushtimin dhe gatishmërinë e federatës sonë për të organizuar ndeshjen e 26 marsit në nivelin më të lartë në arenën “Todor Proeski”, duke theksuar besimin se të gjithë që do të përfshihen në organizimin e takimit do të përdorin përvojat dhe mundësitë e tyre për ta bërë këtë ndeshje futbollit vërtetë një spekakël.
“Ne si Federatë kemi marrë të gjitha masat e duhura për të organizuar me sukses këtë ndeshje shumë të rëndësishme, jemi në kontakt të vazhdueshëm me Ministrinë tonë të Brendshme dhe Departamentin e Integrimit dhe Sigurisë së UEFA-SË. Të gjithë duhet të japin kontributin e tyre për ta organizuar sa më mirë këtë sfidë që flitet vetëm për futbollistët dhe lojën e tyre në fushë. Në një kohë sa më të shkurtë do të njoftojmë për të gjitha detajet rreth biletave dhe shitjes së tyre sipas rregullave të UEFA-së. Unë shpresoj se tifozët e të dyja përfaqësueseve do të japin kontributin e tyre, duke bërë tifo në mënyrë fer dhe korrekte, sepse vetëm në këtë mënyrë do të përfitojnë ekipet përfaqësuese”, ka thënë mes tjerash Sejdini.
“Angazhimi jonë është që së bashku ta organizojmë këtë ndeshje, secili prej nesh të jep kontribut për një spektakël futbolli. Shpresoj se do të jemi të përgatitur dhe nuk do të lejojmë që individ ose grupe të shfrytëzojnë këtë mundësi për çdo problem. Duhet të tregojmë kulturë të madhe sportive, respekt të ndërsjelltë dhe të dëshmojmë se mund të jemi protoganistë të vërtetë të një spektakli futbolli, në të cilën do të urohet fituesi dhe i dëshirohet sukses për në EURO 2020”, ka thënë Dedaj.
Публикувахте от Muamed Sejdini в Петък, 17 януари 2020 г.
