Gjatë ditës së sotme është hedhur shorti për ndeshjet e raundit të tretë në kuadër të Kupës së Spanjës, njofton “infOSport.mk”.
Tre skuadrat e para në tabelë, Barcelona, Reali i Madridit dhe Atletiko Madridi kanë hasur në kundërshtarë të lehtë, ndërsa të njëjtin fat pati edhe fituesi aktual i Kupës, Valencia.
Kështu Barcelona do të luaj ndaj Ibiza, Reali i Madridit kundër Unionistas Salamanca, Atletiko Madridit përballë Cultural Leonesa, derisa Valencia për kundërshtarë do të ketë ekipin e Logrones.
Mirëpo në këtë short Levante e Enis Bardhit nuk pati aspak fat, pasi goglat përballë tyre vunë ekipin e Seviljës, një pretendent tjetër serioz për të fituar trofeun këtë edicion.
Një ndeshje tjetër mjaft interesante që tërheq vëmendjen e raundit të tretë të garave në kuadër të Kupës së Spanjës, është edhe ajo ndërmjet Real Sociedadit të Adnan Januzajt dhe Espanjollit.
Këto ndeshje në program janë me datë 22 janar.
| Kupa e Spanjës, raundi i tretë |
| Ibiza vs Barcelona |
| Logroñes vs Valencia |
| Cultural Leonesa vs Atlético Madrid |
| Unionistas Salamanca vs Real Madrid |
| Ebro vs Leganés |
| Badajoz vs Eibar |
| Badalona vs Granada |
| Receativo Huelva vs Osasuna |
| Rayo Vallecano vs Real Betis |
| Mirandés vs Celta Vigo |
| Tenerife vs Real Valladolid |
| Girona vs Villarreal |
| Elche vs Athletic Bilbao |
| Real Zaragoza vs Real Mallorca |
| Sevilla vs Levante |
| Real Sociedad vs Espanyol |
