9 klube në “Serie A”, përfshirë Juventusin, Interin, Milanin dhe Atalantan, janë duke u hetuar në lidhje me praktikat “shqetësuese” të biletave.
Autoriteti i Konkurrencës së Italisë njoftoi të martën se këto klube ishin duke u hetuar së bashku edhe me Romën, Lacion, Kaljarin, Xhenoan dhe Udinezen.
Hetimet kanë të bëjnë me atë që autoritetet i përshkruajnë si “klauzola shqetësuese në kontratat për blerjen e biletave të sezonit dhe biletave të ndeshjeve”.
Klauzolat nënkuptojnë se klubet në fjalë nuk do të njohin të drejtën rimbursimit për të gjitha ose një pjesë të biletave të sezonit ose biletave të ndeshjeve, në rast të mbylljes (dënimit) ose ndryshimit të stadiumit.
Aty shtohet se hetimet janë duke u zhvilluar si rezultat i klubeve që nuk reaguan ndaj një ftese që iu bë atyre në maj.
Bolonja dhe Parma, nga ana tjetër, u përgjigjën dhe ranë dakord të ndryshojnë kushtet e kontratave me konsumatorët në lidhje me biletat.
