Zlatan Ibrahimoviç duket se nuk do të jetë afrimi i vetëm i Milanit në merkaton e janarit. Skuadra e drejtuar nga Stefano Pioli ka probleme të theksuara në mesfushë dhe afrimi i një lojtari në këtë repart është një domosdoshmëri.
Emri që qarkullon së fundmi, është ai i serbit, Nemanja Matiç, i cili është në skadëncë kontrate te Mançester Junajted.
Serbi luan përpara mbrojtjës dhe lidh shumë mirë repartet.
Ardhja e Ibrahimoviçit rrezikon shitjen e Susos, i cili tashmë nuk pëlqehet as nga tifozët. Kështu që me largimin e spanjollit do të tentohet Nemanja Matiç, siç raporton “Sport Mediaset”.
30-vjeçari ka një eksperiencë dhe pjekuri jo të vogël, pasi ka luajtur me Çelsin dhe Junajtedin në Angli, duke qenë i rëndësishëm për disa sezone.
Tashmë mbetet të shihen lëvizjet e tjera të klubit “kuqezi”, që ka kuptuar se pa ndërhryje në merkato sezoni do të përfundojë më keq se vitin e kaluar. Rikujtojmë drejtuesit e Milanit gjithashtu dëshirojnë të ndërhyjnë edhe në repartin e mbrojtjes, aty ku i kanë vënë syrin mbrojtësit shqiptarë nga Gostivari, Shkodran Mustafit.
