Pas një sëmundje të rëndë, sot në moshën 58 vjeçare është ndarë nga jeta ish-arbitri i njohur i futbollit vendor Bekim Bauta nga Struga. Bauta ishte një nga referët më të njohur në futbollin tonë, por edhe në skenën Europiane, i cili kishte referuar edhe ndeshje ndërkombëtare nën logon e FIFA-së.
Ai gjithashtu një kohë ka qenë edhe anëtar i Këshillit Drejtues në Federatën e Futbollit të Maqedonisë së Veriut.
Bauta ishte i lindur në vitin 1961, ndërsa varrimi i të ndjerit u bë mesditën e sotme në qytetin e Strugës.
