Më të mirët e futbollit në Maqedoni për edicionin 2018/2019

Federata e Futbollit të Maqedonisë sonte në një mbrëmje gala të organizuar në teatrin e Operës dhe Baletit shpalli më të mirët për edicionin 2018/2019, njofton “infOSport.mk”.

Ish futbollisti i Shkëndijës, Visar Musliu, i cili aktualisht luan me fanellën e Videoton në Hungari, u shpall më i miri në Ligën e Parë Futbollistike të Maqedonisë për sezonin e kaluar, në të cilin u shpall kampion i Maqedonisë me Shkëndijën, nga e cila skuadër doli edhe golashënuesi më i mirë tek të rinjët, Florent Ramadani.

Shkupjani, Xhemal Ibishi nga rradhët e Vardarit, u shpall futbollisti i ri më i mirë, ndërsa Filip Despotovski fitoi çmimin për trajnerin më të mirë. Kur jemi tek futbolli i të rinjëve, vlen të theksohet se ishte skuadra e Shkëndijës që u shpall më e mira.

Jugosllav Trençovski i Akademia Pandev u shpall si trajneri më i mirë në Ligën e Parë, ndërsa sulmuesi i Renovës, Vlatko Stijanovski morri çmimin për golashënuesin më të mirë në LPFMV.

Elif Elmaz u shpall si futbollisti më i mirë nga Maqedonia që luan jashtë vendit, Stefan Ristovski i Sportingut të Lisbonës morri çmimin për afirmimin e futbollit, ndërsa përfaqësuesja e Maqedonisë U19, morri çmimin për suksesin e arritur me kualifikimin për në Elite Round, transmeton “infOSport.mk”.

Në Futsal dominim i plotë i Futsal Shkupit, që rrëmbeu çmimin për trajnerin më të mirë (Zoran Lekiq), lojtarin më të mirë (Taulant Ismaili), dhe ekipin më të mirë.

Tek femrat trajner më i mirë u shpall Ilija Mandarov nga ekipi i Dragon, nga i cili vjen edhe futbollistja më e mirë, Lençe Andreevska, ndërkohë Eli Jakovska u shpall si golashënuesja më e mirë.

Arbtrim Qyra i Struga Trim Lum dhe Koço Angjushev i Borecit, dy skuadrave të inkuadruara këtë edicion në mesin e më të mirëve u shpallën si punëtorët më të mirë sportiv, Marjan Gocevski u shpall arbitër më i mirë, ndërsa Akademia Pandev klubi më “fair-play”.