Futbolli elitarë në vendin tonë ka mbretin e ri, kur janë në pyetje golat e shënuar gjatë gjithë historikut, njofton “infOSport.mk”. Është ai Besart Ibraimi, goleadori i Shkëndijës, i cili falë dy golave të shënuar brenda 45 minutave të para ndaj FC Shkupit, arriti që të tejkalojë në listën e përjetshme të golashënuesve shkupjanin, Bazhe Ilijoski.
Falë “dopietës” së realizuar, Ibraimi tashmë numëron 167 gola të shënuar, 1 më shumë se Ilijoski, i cili edicionin e kaluar i dha lamtumirën futbollit, mirëpo i njëjti ka paralajmëruar edhe një rikthim të mundshëm sërish në mesin e më të mirëve në futbollin vendor.
Golin e parë ndaj FC Shkupit, Besart Ibraimi, e realizoi që në minutën e 2-të, kur shfrytëzoi një gabim të Basilio, ndërsa golin e dytë personal dhe të tretin për Shkëndijën e realizoi në minutën e 41-të nga pika e bardhë.
Golin tjetër për Shkëndijën e realizoi Stenio Zhunior në minutën e 28-të.
