Si shumë skuadra tjera shqiptare, ashtu edhe Struga Trim Lum është solidarizuar me Shqipërinë, që u godit nga një tërmet shkatërues, e ku si pasojë jetën deri më tani kanë humbur 16 persona, shkruan “infOSport.mk”.
Drejtuesit e skuadrës strugane përmes faqes së tyre zyrtare në facebook kanë shprehur dhimbje për familjarët e viktimave, ndërsa në një frymë vëllazërore FC Struga Trim Lum ka vendosur që të ardhurat e fituara nga shitja e biletave në ndeshjen e radhës që do ta zhvillojnë nesër (27.11) kundër Shkëndijës, të shkojnë në ndihmë të familjeve të viktimave dhe të të dëmtuarve nga ky tërmet me përmasa tragjike.
