Duke filluar nga ora 16:00, pritet të dalin në shitje biletat për ndeshjen midis Kosovës dhe Anglisë, e vlefshme për eliminatoret e “Euro 2020”.
Të njëjtat do të mund ti gjeni në ueb faqen “tiks.app”.
Dje kjo kompani doli me njoftim ku tregoi se “kërkesa për biletat e ndeshjeve të Kosovës është shumë e madhe” dhe se “statistikisht, vetëm 5.5% të kërkesave online arrijnë të sigurojnë biletë”.
Ndërkaq, për kohën kur do të dalin në shitje biletat ka konfirmuar edhe Fedarata e Futbollit e Kosovës përmes një njoftimi, të cilin mund ta lexoni më poshtë.
| Njoftimi i plotë nga FFK: |
| Federata e Futbollit e Kosovës njofton opinionin se biletat për ndeshjen kualifikuese për Euro 2020, Kosovë – Angli, do të dalin në shitje më 12 nëntor, në orën 16:00. Ndeshja do të zhvillohet, më 17 nëntor, në stadiumin “Fadil Vokrri” në Prishtinë, në orën 18:00. Biletat mund të blihen nëpërmjet platformës online www.tiks.app |
| Çmimet e biletave janë sikurse në ndeshjet e mëparshme: |
| Veri dhe Jug 5 euro |
| Lindje 10 dhe 15 euro |
| Perëndim 15 dhe 20 euro |
| VIP 80 euro |
