Skuadra e Feronikelit nga Drenasi ka thyer rekord në elitën e futbollit kosovar në konkurrencë të femrave. Skuadra nënkampione e Kosovës ka shënuar fitore 40:0 kundër Drenicës nga Skenderaji, ndërsa plotë 22 gola realizoi Zelfije Bajramaj, që njëherit është edhe rekord të golave, gjithsej 22.
Përveç saj në listën e golashënueseve u regjistruan edhe Bahtije Miftari (5 gola) , Arbenita Curraj (5), Rita Olluri (3), Feride Kastrati (3), Fatbardha Kastrati dhe Arta Bulliqi nga 1.
Por cila është e vërteta e kësaj ndeshje?
Drenica në këtë përballje ka luajtur me futbolliste të grupmoshave të reja (16-vjeçare), pasi futbollistet e ekipit të parë janë në bojkot për mos kryerjen e obligimeve nga ana e drejtuesve të skuadrës së tyre.
