Boksieri britanik Tajson Fjuri arriti një fitore shumë të vështirë ndaj suedezit Oto Vallin në mbrëmjen e Las Vegas.
Një ndeshje e cila mund të kishte një fund tjetër pasi që në raundin e tretë Vallin godet në vetull Fjurin duke i shkaktuar çarje. Një dëmtim ky që ndikoi në lojën e britanikut pasi hemoragjia nuk e lejonte të shikonte.
Gjyqtari i ndeshjes e ndërpreu lojën në mënyrë që stafi mjekësorë t’i vinte në ndihmë Fjurit, ndërkohë që ata e lejuan të vazhdojë më tej. Katër raundet e para ishin në favor të suedezit.
Por në raundet në vazhdim Tajson Fjuri u këndell, teksa në raundin e 7-të, britaniku hodhi ne dysheme kundërshtarin e tij, i cili ishte tepër solid duke i rezistuar asaj goditje.
Ky i fundit shënjestronte plagën e britanikut por ai u mbrojt më së miri.
Raundi i 12-të ishte shumë intensiv për Fjurin i cili mori shumë goditje në vetull por arriti që ta mbyllte edhe raundin final pa u dorëzuar.
Britaniku e fitoi ndeshjen me anë të pikëve ku 3 gjyqtarët e vlerësuan me 116-112, 117-111 dhe 118-110. Për suedezin Vallin ishte kjo disfata e parë, pas 20 fitoreve të njëpasnjëshme.
Përballja e rradhës për Fjurin do të jetë me 22 shkurt të vitit të ardhshëm kundër Deontej Vilder.
👏🇸🇪 Tyson Fury has hailed 'Viking Warrior' Otto Wallin after taking him the distance.
The unknown Swede was a 12/1 outsider and was fighting for the first time since his father, who taught him how to box, passed away back in May.
"He'll be very proud of his son."#FuryWallin pic.twitter.com/ToVEMOezBi
— Sporting Life (@SportingLife) September 15, 2019
