Cilësitë e Remzifaik Selmanit tashmë janë të njohura për opinionin e futbollit vend, të cilit po i shtohet edhe një yll tjetër. Bëhet fjalë për Marin Jurina, sulmuesin kroat, i cili po dëshmon aftësi të larta sulmuese që në startin e sezonit me fanellën e FC Shkupit, shkruan “infOSport.mk”.
Jurina skuadrës nga Çairi iu bashkua gjatë kësaj merkatoje, edhe atë në formë huazimi nga rradhët e skuadrës boshnjake të Çelik.
Sulmuesi kroat në 3 ndeshjet e para kampionale ka shënuar po aq gola, ndërsa vlen të theksohet se i njëjti kishte shënuar 2 gola të tjerë edhe mesjavën e shkuar në ndeshjen e raundit të parë të Kupës kundër Teteksit (5:1).
Pra gjithsej 5 gola në 4 ndeshje, përfshirë këtu edhe dy golat në ndeshjen e fundit kundër Renovës (2:2), ku përballë doli të ketë Remzifaik Selmanin, që në anën tjetër arriti që të realizojë dy herë në rrjetën e FC Shkupit. Kësisoj kjo dyshe sulmuese aktualisht po udhëheq listën e golashënuesve me nga 3 gola, duke pasur parasysh se të njëjtit shënuan edhe në ndeshjet paraprake të skuadrave të tyre.
Jurina realizoi që në debutim kundër Borecit, teksa Selmani një gol tjetër kishte realizuar në ndeshjen e javës së dytë kundër Struga Trim Lum, kur Renova shënonte fitore 2:1, transmeton “infOSport.mk”.
Pas tyre me nga 2 gola renditen Hristijan Kirovski i Struga Trim Lum dhe Ivan Markoviç i Rabotniçkit, ndërkohë listën e golashënuesve me nga 1 gol e udhëheq Ilirid Ademi i Renovës, që bëri një asist të shkëlqyeshëm për Selmanin gjatë shënimit të golit të dytë përballë FC Shkupit.
