Të shtunën është njoftuar për një turiste zvicerane të zhdukur në Liqenin e Komo-s. Siç bën të ditur agjencia Italiane Lajmeve, “Ansa”, bëhet fjalë për Florijana Ismailin, lojtare e Kombëtares Zvicerane të futbollit dhe e klubit Jang Boj të Bernës.
24 vjeçarja Ismaili kishte vendosur që me një mike të saj dhe bashkëlojtare, të kalonte një ditë në liqenin e përmendur. Rreth orës 16:30 u ndez alarmi. Floriana ishte zhytur në ujë prej nga nuk ka dalë më, transmeton albinfo.ch.
Menjëherë janë angazhuar zhytësit, por aksioni është ndërprerë në mbrëmje ndërsa ka rifillkuar sot në mëngjes.
Policia e Komo-s nuk e ka vërtetuar dhe as përgënjeshtruar lajmin, ndërsa përgjegjësit e Kombëtares së Zvicrës dhe të Jang Bojs kanë qenë të paarritshëm, ka shkruar “20minuten.ch”.
Florijana për herë të parë për Nati-n zviceran ka luajtur në vitin 2014. Me trajnerin Ëoss Tecklenburg ajo ka luajtur 30 ndeshje. Ka marrë pjesë në Kampionatin Botëror të vitit 2015, ndërsa në kualifikimet për Botërorin 2019, Nati kishte dështuar, përcjell tutje albinfo.ch.
Vetëm para dy javësh Florijana ka luajtur ndeshjen e fundit për Nati-n. Ajo luante që nga viti 2011 për Young Boys.
Florijana Ismaili është shqiptare, me prejardhje nga Lugina e Preshevës.
