Sot edhe zyrtarisht është mbyllur edicioni 2018/2019 në Ligën e Parë Futbollistike të Maqedonisë, me ç’rast edhe zyrtarisht mësuam dy udhëtuesit e fundit për në ndeshjet e Liga Europa, njofton “infOSport.mk”.
Fitorja infarkt e FC Shkupit ndaj Rabotniçkit ju siguroi atyre një vend për në Liga Europa, ndërsa skuadra e dytë që do na prezantojë në Liga Europa, është Makedonija GJ.P, që si mysafir me rezultatin 3:1 mundi Pobedën në Koçani.
Falë fitores së sotme, FC Shkupi mbylli sezonin në pozitën e katërt me 48 pikë, një më shumë se Makedonija GJ.P i vendit të 5-të, ndërsa Renova edhe pse me pikë të njëjta dhe gol-averazh më të mirë në fund duheshe të pajtohet me pozitën e 6-të. Kjo për shkak se Makedonija GJ.P ka një bilanc më të mirë në duelet e drejtëpërdrejta të këtij sezoni.
Që të dyja skuadrat kishin arritur nga një fitore në përballjet e këtij edicioni, ndërsa dy ndeshje ishin mbyllur me barazime. Megjithatë vendimtare ishte fitorja e Makedonija GJ.P në ndeshjen e fundit, kur në Shkup falë golave të shënuar nga Tanturovski (2 gola) dhe Robson da Silva, skuadra shkupjane kishte shënuar fitore 3:1. Në anën tjetër fitoren e vetme Renova e kishte arritur po në Shkup, me rezultatin 2:1, ndërsa në Tetovë të dyja ndeshjet ishin mbyllur me barazimet 0:0 dhe 1:1, shkruan “infOSport.mk”.
Sileksi edhe përkundër fitores së sotme ndaj Bellasicës nuk mundi ti shpëtojë balotazhit, aty ku do të pret fituesin nga përballja midis skuadrave nga liga e dytë, Tikveshi-Labunishta, ndërkohë nga sezoni i ardhshëm në Ligën e Dytë do të luajnë Bellasica dhe Pobeda.
| # | Ekipi | Nd. | F | B | D | G-av. | Pikë |
| 1. | Shkëndija | 36 | 24 | 7 | 5 | 80:29 | 79 |
| 2. | Vardari | 36 | 17 | 13 | 6 | 45:23 | 64 |
| 3. | Ak. Pandev | 36 | 17 | 7 | 12 | 45:35 | 58 |
| 4. | FC Shkupi | 36 | 13 | 9 | 14 | 40:42 | 48 |
| 5. | Makedonija Gj.P | 36 | 12 | 11 | 13 | 45:50 | 47 |
| 6. | Renova | 36 | 12 | 11 | 13 | 53:49 | 47 |
| 7. | Rabotniçki | 36 | 13 | 7 | 16 | 43:49 | 46 |
| 8. | Sileksi | 36 | 11 | 11 | 14 | 27:39 | 44 |
| 9. | Bellasica | 36 | 9 | 11 | 16 | 37:49 | 38 |
| 10. | Pobeda | 36 | 6 | 5 | 25 | 26:76 | 23 |
Shkëndija – Liga e Kampionëve (eliminatoret)
Ak. Pandev – Liga Europa (eliminatoret)
FC Shkupi – Liga Europa (eliminatoret)
Makedonija Gj.P – Liga Europa (eliminatoret)
Sileksi – ndeshje balotazhi
Bellasica – Liga e Dytë
Pobeda – Liga e Dytë
