Një trajner serb, emri i të cilit nuk bëhet i ditur, teksa po udhëtonte nga Austria drejt Zvicrës është arrestuar më 6 mars 2019, siç thotë Drejtoria Federale e Doganave në Zvicër përmes një deklarate të lëshuar këtë të enjte.
Në pikën e kontrollit në Diepoldsau, trajneri 27 vjeçar u ndalua dhe u kontrollua nga stafi i ndihmës.
Derisa e skanonin, ata vunë re se ai kishte fshehur disa paketa nën rrobat e tij.
Një ekzaminim i afërt zbuloi se ai kishte mbështjellë rreth trupit rreth dy kilogram heroinë, me të cilën po hynte në Zvicër.
I riu dhe droga e konfiskuar iu dorëzuan policisë kantonale të Shën Gallenit.
Në bashkëpunim me zyrën e prokurorit publik të kantonit në fjalë, do të niset një proces penal ndaj të arrestuarit.
