Dy supergola nga të dyja anët, spekakël në tribunë dhe nervozizëm në fushë, por Shkupi dhe Vardari nuk shkuan më shumë se një barazim 2:2 në derbin e kryeqytetit që u zhvillua në kuadër të xhiros së 32-të në Ligën e Parë të Futbollit të Maqedonisë së Veriut.
Ndeshja nisi me atmosferë të fortë në stadiumin e Çairit, me “Shvercerat” që treguan ligjin që nga fillimi i takimit, duke bërë me dije rivalëve të tyre se ku kanë ardhur për të luajtur.
Rastin e parë e kishte Angelov, kur portierit Gaçevski i bie topi nga duart, por sulmuesi i “bardhekaltërve” nuk arriti që ta shfrytëzojë, pasi topi shkoi vetëm mbi portë. Ndërkohë goli i parë erdhi në minutën e 33-të, me Serzhinjon që shënoi me kokë, pasi mori një asist nga Muharem Bajrami.
Barazimi erdhi 3 minuta para fundit të pjesës së parë, me Zhuninjo që gjeti rrjetën për barazim të përkohëshëm 1:1. Në fraksionin e dytë, Muharem Bajrami ngriti të gjithë publikun ne këmbë, pas atij supergoli që realizoi nga gjuajtja e lirë për rezultat 2:1. Mirëpo në të 87-tën, Shkupi pësoi pikërisht nga gjuajtja e lirë, kur Micevski ekzekutoi përfekt për barazim 2:2.
Shkupi në xhiron e radhës do të përballet me Makedonija Gjorçe Petrovin, ndërsa Vardari luan me Rabotniçkin./InfOSport.mk
