Liverpulli ka shënuar fitore 2:0 në ndeshjen e parë çerekfinale të Ligës së Kampionëve Europian, njofton “infOSport.mk”. Të besuarit e trajnerit Jurgen Klop çështjen e fituesit e zgjodhën që në pjesën e parë, kur edhe shënuan të dy golat.
Goli i parë erdhi vetëm pas 5 minutave lojë, kur Nabi Keita me një goditje nga vija e 16-të metërshit arriti që të shënojë në rrjetën e Kasiljas.
Goli i dytë erdhi pas një aksioni të bukur të vendasve, kur Aleksander Arnold mjaft mirë shërbeu brazilianin Firmino para portës kundërshtare, ndërsa ky i fundit pa probleme shënoi për 2:0.
GOAL!!!
Brilliant play involving Henderson and TAA is finished off with ease by Roberto Firmino ! 🙌
Liverpool 2- 0 Fc Porto #LIVPOR pic.twitter.com/QPIBOv7K6L— SportCentre (@SportCentre8) April 9, 2019
Në pjesën e dytë Liverpulli shënoi edhe një gol tjetër me anë të Sadio Mane, mirëpo i njëjti u anulua për shkak pozitës jashtë loje.
Minutat e fundit të takimit mysafirët nga Portugalia pretendonin për një penalti ndaj Felipe, mirëpo arbitri kryesor Lahoz nuk ndante mendimin e njëjtë, ashtu që në fund shifrat mbetën ato të pjesës së parë, 2:0, rezultat ky që favorizon Liverpullin për një kalim të mundshëm në gjysmëfinale.
