Goli i anuluar i Alvaro Moratas ngriti gjakrat në ‘Vanda Metropolitano’, ndërsa si duket me i nevrikosur ishte trajneri i Atletiko Madridit, Diego Simeone, i cili zbrazi dufin gjatë shënimit të golit të dytë të skuadrës së tij me anë të mbrojtësit Diego Godin.
Ai në ato momente të minutës së 83-të, festoi si i çmendur, duke u drejtuar nga tribuna, ndoshta nga drejtuesit e Juventusit, si për të thënë se Atletiko ka këllqe dhe se nuk pyet për padrejtësitë.
