Një gabim i drejtorit sportiv të Juventusit, Fabio Paratiçi, ka zbuluar të gjitha planet që ‘bardhezinjtë’ kanë për afatin e janarit dhe të verës së ardhshme.
Të gjitha planet, emrat dhe shifrat e Paratiçi janë gjetur në një copë letër, të grisur, por të harruar në tavolinën e një lokali milanez, ku shefi i Juves kishte qenë dje për drekë.
Një tifoz kurioz ka mbledhur pjesët e letrës, i ka bashkuar dhe i ka dërguar ato në redaksinë e gazetës “Il Tempo”, që më pas i ka bërë ato publike.
Në listën e Paratiçi janë emrat e disa futbollistëve të rinj, si Zennaro e Demiral, që kushtojnë 7-10 milionë euro.
Më pas vijnë objektivat “normale”, me Romero e Tonali, për të cilët ‘bardhezinjtë’ janë gati të shpenzojnë deri në 20 milionë euro, shkruan ‘Telesport’.
Dhe në fund vijnë emrat “big” të merkatos, si ato të Zaniolo dhe Milinkoviç-Saviç, për të cilët Juventusi është gati të paguajë deri në 50 milionë euro.
Pra, Paratiçi i ka idetë e qarta për sa i përket skuadrës që do të ndërtojë sezonin e ardhshëm.
Zaniolo e Milinkovic È saccheggio Juve! https://t.co/fIlVUI2QOe #zaniolo #milinkovic #Juventus #paratici #Roma #Lazio #mercato #iltempoquotidiano @aleaus81 pic.twitter.com/8XotrWR9WT
— IL TEMPO (@tempoweb) January 27, 2019
