Adili: Kisha nderin të fitoj 2 tituj me Shkëndijën dhe të “shkatërrojmë” Vardarin

Pas zyrtarizimit të largimit të Mevlan Adilit nga Shkëndija për të cilën “InfOSport.mk” informoi ekskluzivisht, futbollisti shkupjan përmes një postimi në rrjetin social fejsbuk ka faleminderuar klubin, qytetin e Tetovës, tifozët “Ballistët” dhe të gjithë bashkëlojtarët, duke iu dëshiruar suksese që ta arrijnë dëshirën e madhe për grupet në kompeticionet Europiane. Por gjithashtu Adili, ka cekur se ndjehet krenar për të arriturat me Shkëndijën, me çka sezonin e kaluar fituan dy titujt atë të kampionatit dhe Kupës, ndërsa më shumë e vlerëson “shkatërrimin” e kundërshtarëve që kishin për titullin, Vardarin.