Raundi i katërt i FA Kupës sjellë super përballjen, Junajted-Arsenal

Sonte ka përfunduar edhe ndeshja e fundit e raundit e tretë të FA Kupës angleze, e që solli një surprizë shumë të madhe, pasi Vulverhemptoni eliminoi liderin aktual dhe favoritin e madh, Liverpullin.

Vulverhemptoni shënoi fitore 2:1, duke iu  hakmarrë skuadrës së Jurgen Klop për atë disfatë në kampionat (0:2), ndërsa menjëherë pas përfundimit të këtij takimi, janë mësuar edhe çiftet për raundin e katërt të këtyre garave, e ku vëmendjen kryesore do ta ketë ndeshja mes dy skuadrave gjigande, Arsenal- Mançester Junajted.

Në anën tjetër, dy nga skuadrat tjera favorite, Çezli dhe Mançester Siti kanë fituar kundërshtarë më të lehtë. Kësisoj skuadra e Pep Guardiolas në raundin e katërt të FA Kupës do të përballet me Bërnlin, ndërkohë Çelzi do të mirëpret fituesin nga përballja, Shefilld Vendze – Luton.

Skuadra e Totenhamit, që gjithashtu ka rolin e favoritit në këtë fazë do të përballet me Kristal Pallasin, një ndeshje tjetër kjo mes skuadrave nga Premierliga.

Ndeshjet e raundit të katërt të FA Kupës angleze në program do të jenë nga data 25, deri me 28 janar (e premte – e hënë).

Më poshtë mund t’i shihni të gjitha çiftet për raundin e katërt.