Pas Skënderbeut që është i dënuar me 10 vite pezullim të pjesëmarrjes në aktivitetet europiane, UEFA ka përfshirë në hetim një tjetër skuadër nga Shqipëria. Bëhet fjalë për Luftëtarin e Gjirokastrës, që mori pjesë këtë verë në eliminatoret e Europa Leagues, duke u eliminuar nga letonezët e Ventspils.
Qeveria europiane e futbollit, UEFA ka dërguar një letër në adresë të FSHF-së dhe të klubit të futbollit Luftëtari, ku njofton se këta të fundit janë nën hetim për trukim të ndeshjes. Pikërisht për këtë arsye, ka mbetur i ngrirë edhe shpërblimi prej 240 mijë eurosh, që klubi gjirokastrit duhet të merrte nga UEFA, për pjesëmarrjen në Europa League.
Kujtojmë që Luftëtari humbi 5-0 në transfertë dhe barazoi 3-3 në ndeshjen e kthimit përballë Ventspils, ndërsa është pikërisht ndeshja e dytë, ajo ku janë hedhur hije trukimi.
