Frika nga largimi i mundshëm i De Jong, ka shtyrë drejtuesit e Ajaksit që të kërkojnë një alternativë për mesfushorin e talentuar holandez, i cili ditëve të fundit po lidhet me një transferim të mundshëm te skuadra kampione e Francës, Paris Sen Zhermen.
Francezët janë të gatshëm të paguajnë rreth 150 milion euro për dyshen e Ajaksit, De Jong dhe De Ligt, ndërsa tashmë klubi holandez i ka vënë syrin futbollistit shqiptarë të Bajernit të Munihut, Meritan Shabani, që shihet si një zëvendësues ideal për 221-vjeçarin, Frenki de Jong.
According to rumors in Germany, Bayern Munich youngster Meritan Shabani is a transfer target for Ajax. pic.twitter.com/juOIdnEW71
— DW Sports (@dw_sports) January 4, 2019
19-vjeçari Shabani i lindur në Munih me origjinë nga Kosova, në dy edicionet e fundit po luan për ekipin e dytë të Bajernit të Munihut, ndërsa gjithashtu ka zhvilluar edhe 3 ndeshje me ekipin e parë ‘bavarez’.
Një transferim i këtillë do ti pëlqente edhe vetë Shabanit, duke pasur parasysh se Bajerni shumë rrallë ushqen ekipin e parë me futbollistë nga shkolla e saj, ndërsa Ajaksi njihet për politikën që bënë në zhvillimin e futbollistëve të rinj.
‘Bild’ shkruan se holandezët shpresojnë të sigurojnë shërbimet e talentit shqiptarë, Meritan Shabani që gjatë merkatos së janarit, teksa marrëveshja mund të përshpejtohet madje, nëse realizohet transferimi i Frenki De Jong te PSZH-ja, apo edhe te Barcelona, që gjithashtu po interesohet për këtë talent holandez.
According to Bild, Ajax are interested in Bayern talent Meritan Shabani (19) and are planning to sign him this month pic.twitter.com/7WLFarKKhF
— Bayern & Germany (@iMiaSanMia) January 4, 2019
