FIFA ka vendosur të eksperimentojë me disa rregulla të reja. Botërori i Klubeve është një “habitat” ku testohen këto rregulla, ashtu si përpara disa viteve me sistemin VAR.
Risia është se një nga rregullat ka të bëje me rivënien fundore. Në momentin që portieri do të marrë vrull për të goditur topin atëherë futbollistët kundërshtar do të kenë të drejtë të vrapojnë drejt portës. Kjo bëhet për të shmangur vonesat e lojës. Aktualisht, kur portieri kryen një rivënie fundore, të gjithë futbollistët duhet të qëndrojnë jashtë zonës së rreptësisë.
Një tjetër rregull ka të bëjë me zëvendësimet. Futbollisti që zëvendësohet do të largohet nga pozicioni më i afërt. Nuk do të ketë më lojtarë që marrin gjithë kohën e mundshme për të vonuar lojën gjatë zëvendësimit. Në muajin mars FIFA pritet ti aprovojë këto rregulla të reja.
