Khabib Nurmagomedov mezi po pret përballjen me Flojd Mejvedhër brenda oktogonit. Dagestanezi në profilin e tij në ‘Instagram’ kishte publikuar një video, në të cilën boksieri amerikan ndodhet brenda kafazit.
Në këtë video Khabib kishte shkruar: ‘Ku je?’
Ishte vetë Nurmagomedov, ai i cili sfidoi Flojd Mejvedhërin për një luftë, e cila ende nuk dihet nëse dhe kur do të zhvillohet.
Ende nuk dihet nëse do të dënohet Khabibi nga ana e Komisionit të Sporteve të Nevadës, i cili do të mblidhet në fillimin e muajit dhjetor, kur edhe përfundimisht do të vendoset për fatet e Nurmagomedov dhe Konor MekGregor.
