Luis Hamilton ka fituar edhe titullin e 5-të kampion Bote në Formula 1, pasi në garën për Çmimin e Madh të Meksikës përfundoi në pozitën e katërt, që ishte e mjaftueshme që britaniku të mbroj titullin e kampionit.
Vendi i parë i takoi Maks Verstapenit, ndërsa në vendin e dytë dhe të tretë u ndalën Sebastian Fetel dhe Kimi Raikonen.
Pas përfundimit të garës, Luis Hamilton përmes radios morri një urim nga aktori holivudian, Uill Smit, i cili iu drejtua me fjalët: ‘Ashtu bëhen gjërat, ashtu siç të kam mësuar. Ashtu duhet të ngasësh!’.
Hamilton titullin e 5-të kampion Bote në karrierën e tij e siguron dy xhiro pa përfunduar edicioni i sivjetshëm në Formula 1, ndërsa në këtë mënyrë barazohet me Huan Manuel Fanxho.
🏆🏆🏆🏆🏆@LewisHamilton is a FIVE-time world champion!#F1 #MexicoGP pic.twitter.com/lRx0tVl1zA
— Formula 1 (@F1) October 28, 2018
