Portieri i Arsenalit, Peter Çeh do të mungojë nga fushat e futbollit për një muaj, njoftuan nga klubi londinez. Ai u lëndua në ndeshjen ndaj Uatfordit të shtunën. Portierit 36-vjeçar u dëmtua pak para përfundimit të pjesës së parë, kur u zëvendësua nga gjermani, Bernd Leno.
Çeh në stërvitje pritet të rikthehet vetëm pas 4 javëve. Kësisoj portieri çek me siguri se do të mungojë në dy ndeshje të Liga Europa, si dhe në ndeshjet e Premierligës kundër Fulhamit, Lester Sitit dhe Kristal Pallasit.
Nuk dihet ende nëse Peter Çeh do të jetë gati për ndeshjen derbi të 3 nëntorit kundër Liverpullit.
Arsenal could be without goalkeeper Petr Cech for a month.https://t.co/TE1blFDchM pic.twitter.com/yYBN5xXueC
— BBC Sport (@BBCSport) October 2, 2018
