Edhe përkundër krizës financiare që ka kapluar skuadrën e Vardarit, megjithatë skuadra nënkampione e vendit nuk po ndjen krizë kur janë në pyetje rezultatet, njofton “infOSport.mk”. Skuadra shkupjane e udhëhequr nga ish reprezentuesi i Maqedonisë, Aleksandar Vasoski, kryeson renditjen pas 7 javëve të para, duke vazhduar të mbetet skuadra e vetme e pamposhtur në sezonin 2018/2019.
Vardari në ndeshjen e sotme mundi Sileksin me rezultatin minimal 1:0, ku golin vendimtarë të fitores e realizoi ish futbollisti i Shkëndijës, Viktor Nildo Xhufo.
Me 5 fitore dhe dy barazime në këto 7 javë të para, Vardari kryeson i vetmuar renditjen me 17 pikë, i ndjekur nga Akademia Pandev, që sot u dorëzua në teren vendas përballë Renovës.
Vendi i tretë është për Shkëndijën që në Tetovë u mund nga Pobeda, skuadër kjo që tashmë figuron lartë në tabelë dhe me 11 pikë mban pozitën e katërt, ndërsa Rabotniçki që para disa javëve ishte lider, pas tre disfatave të njëpasnjëshme, tashmë ndodhet në pozitën e 5-të me 9 pikë të tubuara.
Bellasica e ringjallur me përforcimet e fundit të bëra vetëm ditën e fundit të merkatos tashmë 4 xhiro nuk dinë për disfatë dhe aktualisht renditet në pozitën e 6-të me 8 pikë, duke lënë pas vetes Renovën me një pikë më pak, ndërsa dy vendet e fundit janë të rezervuara për ish kampionët e Maqedonisë, FC Shkupi dhe Sileksi që kanë nga vetëm 5 pikë.
| # | Ekipi | Nd. | F | B | D | G-av. | Pikë |
| 1. | Vardari | 7 | 5 | 2 | 0 | 10:4 | 17 |
| 2. | A. Pandev | 7 | 5 | 0 | 2 | 12:6 | 15 |
| 3. | Shkëndija | 7 | 4 | 2 | 1 | 16:9 | 14 |
| 4. | Pobeda | 7 | 3 | 2 | 2 | 6:6 | 11 |
| 5. | Rabotniçki | 7 | 3 | 0 | 4 | 10:16 | 9 |
| 6. | Bellasica | 7 | 2 | 2 | 3 | 5:8 | 8 |
| 7. | Renova | 7 | 2 | 1 | 4 | 7:9 | 7 |
| 8. | Makedonija GjP | 7 | 1 | 3 | 3 | 6:6 | 6 |
| 9. | Shkupi | 7 | 1 | 2 | 4 | 5:8 | 5 |
| 10. | Sileksi | 7 | 1 | 2 | 4 | 4:9 | 5 |
