Skuadra e Interit është lëvdëruar edhe me përforcimin e 7-të gjatë kësaj merkatoje vere. “Zikaltërit” së fundmi në rradhët e tyre kanë sjellë senegalezin, Balde Keita, i cili te Interi do të luaj në formë huazimi, me opcion që në fund të sezonit skuadra nga “Xhuzepe Meaca” të blejë kartonin e tij për shumën e 34 milion eurove.
23-vjeçari në këtë mënyrë rikthehet në “Serie A”, aty ku para se të kalonte te Monako luante me Lacion.
.@keitabalde14 è un nuovo giocatore dell'Inter! 🇸🇳⚫️🔵
👉 https://t.co/oKxJ9Gc5EP#WelcomeKeita #InterIsHere #FCIM pic.twitter.com/wtzUyfCz1x
— Inter (@Inter) August 13, 2018
Gjatë ditës së sotme Keita iu nënshtrua vizitave mjekësore te Interi, pas së cilave firmosi kontratën. Verën e kaluar Balde braktisi Lacion dhe iu bashkua Monakos për shumën e 30 milion eurove.
Senegalezi në 33 ndeshje regjistroi 8 gola dhe 11 asistime, mirëpo në asnjë mënyrë nuk arriti që të shndërrohet në një titullar fiks te skuadra e trajnerit Leonardo Zhardim.
Kështu Keita bëhet futbollisti i 7-të që do të përforcojë skuadrën e Spalletit, pas Lautaro Martinez, Mateo Politano, Raxha Naingolan, Kvadvo Asamoah, Stefan De Vraj dhe Sime Vrshaljko.
