Pasi Milani gjatë ditës së sotme vendosi të shesë Nikola Kaliniçin te Atletiko Madridi, “rossonerët” janë rrugës për të shitur edhe sulmuesin e dytë drejt Spanjës, njoftojnë mediat madrilene.
Bëhet fjalë për reprezentuesin e Portugalisë, Andre Silva, i cili pritet që ti bashkohet Seviljës.
Sipas “AS” që të dy klubet kanë arritur marrëveshje për huazimin e futbollistit deri në fund të sezonit, teksa “Marca” shkruan se bëhet fjalë për një transferim në vlerë prej 20 milion euro.
22-vjeçari Silva te Milani erdhi verën e vitit 2017-të, ndërsa për shërbimet e tij “milanezët” Portos i kishin paguar 38 milion euro. Ai me fanellën e Milanit ka regjistruar 40 ndeshje, duke realizuar 10 gola, 8 prej të cilëve në ndeshjet e Liga Europa.
According to @diarioas, Sevilla have reached an agreement with Milan to sign André Silva on loan until the end of the season and he could arrive in Seville in the next few hours pic.twitter.com/2QhQlzb8t1
— Milan Eye (@MilanEye) August 9, 2018
