Shkëndija tashmë po feston, mirëpo gjatë gjithë ndeshjes “kuqezinjtë” ishin në ankth, pasi një gjë të tillë bëri edhe rezultati 0:0.
Kjo bëri që sonte Qatip Osmani të mos ulet fare në bankinë, duke qëndruar për gjatë gjithë ndeshjes i ngritur në këmbë dhe duke ndarë vazhdimisht këshilla për futbollistët e tij, që në fund rezultuan me fat, pasi Shkëndija nuk pranoi gol dhe arriti që të eliminojë kampionët e Moldavisë, Sherif Tiraspolin.
Megjithatë gjatë ndeshjes u vërejt edhe një reagim i pabesueshëm i trajnerit të “kuqezinjëve”, Qatip Osmani, i cili nga vendi i tij ku ishte nuk mund të besonte se Izair Emini humbi një rast të artë në minutën e 54-të, kur edhe pse kaloi portierin mysafir, nuk arriti të gjejë rrjetën kundërshtare.
Për më tepër ndiqeni videon më poshtë:
