Shkëndija javën e ardhshme do të luajë ndeshjen e parë të turit të dytë eliminatorë të Ligës së Kampionëve ndaj Sherif Tiraspol, por më parë, tetovarët më datë 23 korrik do të mësojnë emrin e kundërshtarit të mundshëm në kuadër të turit të tretë, kuptohet nëse gjithnjë kalojnë moldavët, apo ata që do të kenë përballë nëse eliminohen nga kompeticioni më i rëndësishëm europian dhe kalojnë në Ligën Europa.
Shkëndija bënë pjesë tek skuadra jo bartëse, ndërsa në anën tjetër skuadra tjetër shqiptare e Kukësit nga Shqipëria, te ato bartëse. Kjo nënkupton se në turin e tretë eliminatorë mund të shohim një përballje mes skuadrave shqiptare, mirëpo gjithnjë nëse Shkëndija eliminon moldavët e Sherif Tiraspol, apo edhe Kukësi azerët e Karabagut.
Ndërkohë si kundërshtarë më të fuqishëm të Shkëndijës, mund të jenë edhe Salzburgu, skuadra e fundit gjysmëfinaliste në kuadër të Liga Eeuropa, si dhe skuadrat fituese nga përballjet Ludogorets (Bulgari) -Videoton (Hungari), Selltik (Skoci) – Rozenbrog (Norvegji), Legia Varshavë (Poloni) – Spartak Trnava (Sllovaki), dhe Astana (Kazakistan) – Mitjiland (Danimarkë).
Ndryshe përveç Shkëndijës në listën e skuadrave jo bartëse janë edhe AEK-u i Athinës, si dhe fituesit nga përballjet Crvena Zvezda (Serbi) – Suduva (Lituani), Dinamo Zagreb (Kroaci) – Hapoel Ber Sheva (Izrael), Bate Borisov (Bjellorusi) – HJK Helsinki (Finlandë) dhe Kluzh (Rumani) – Malmo (Suedi).
|
Ndarja në short |
||||||||||||||
|
