Skuadra e Romës ka nisur me një fitore të thellë ndeshjet kontrolluese në kuadër të fazës së përgatitjeve për sezonin e ri futbollistik në “Serie A”.
“Ujkesha Romake” mundi ekipin e ligës së katërt, Latina në transfertë me rezultatin 9:0, ndërsa Patrik Shik realizoi “hat-trik” që gjatë pjesës së parë. Goleadori Edin Xheko shtoi dy gola të tjerë gjatë pjesës së dytë, ndërsa nga një gol realizuan edhe transferimet e reja të bëra gjatë kësaj vere, si Ivan Markano, Luka Pelegrini dhe Lorenco Pelegrini, teksa Manes i Latinas realizoi një autogol.
Dopo 28 minuti, #LatinaRoma è sullo 0-5
Guarda qui il LIVE della partita
https://t.co/61tzwypWA2#ASRoma pic.twitter.com/KBCOeid1Qz
— AS Roma (@OfficialASRoma) July 14, 2018
Futbollistët e Latinas ishin të pafuqishëm në këtë ndeshje, duke mos rrezikuar në asnjë çast futbollistët e Romës, të cilët vetëm pas 28 minutave lojë avansuan me rezultatin 5:0, ndërkohë pjesën e parë e mbyllën me rezultatin 6:0.
