Stefan Efenberg, ish-futbollisti i njohur i kombëtares së Gjermanisë, ka shprehur mospajtimin e tij me vendimin e federatës së futbollit të këtij vendi për të mos dëbuar nga kombëtarja Mesut Ozil dhe Ilkay Gundogan, pas takimit të tyre të fundit dhe shumë të diskutueshëm me presidentin e Turqisë, Recep Tayyip Erdogan.
“Nëse DBF udhëhiqet nga vlerat, siç gjithmonë përpiqet të transmetojë, vendimi i vetëm që përshtatet në këtë rast është kombëtarja pa këta dy lojtarë. Me mua, apo me Uli Stein nuk ka reaguar njësoj. Unë nuk shoh një vijë të caktuar”, – tha Effenberg (49 vjeç) në një intervistë për portalin “T-Online”.
Ish-lojtari e krahasoi rastin e dy lojtarëve me prejardhje turke me të vetin. Në Kupën e Botës së SHBA, në vitin 1994, Efenberg, i cili asokohe luante me Fiorentinën në “Serie A”, u largua nga ekipi kombëtarë gjerman, pas ishte fotografuar duke bërë një gjest të pahijshëm me gishtin e tij për publikun gjerman, në ndeshjen kundër Koresë së Jugut, në Dallas.
Njeriu i stolit të Gjermanisë asokohe, Berti Vogts, tha se Efenberg nuk do të luajë më, sa të ishte ai trajner, një post që e mbajti deri në vitin 1998. Effenberg u rikthye vetëm për të luajtur dy ndeshje ndërkombëtare në karrierën e tij, edhe atë dy miqësoret e fundit gjatë shtatorit të vitit 1998.
Pavarësisht se tregoi mospajtimin e tij me atë vendim, Effenberg beson se tani është koha për të mbështetur kombëtaren: “Nuk do të jetë e lehtë për të dy, sepse tani po kritikohen edhe nga faktorë të tjerë të futbollit. Sidoqoftë, vendimi është marrë”.
Ish-lojtari i Bajernit tregoi ndjeshmërinë e tij me atë që lojtarët tani mund të ndjejnë:“Gjundogan u vërshëllye nga publiku ndaj Arabisë Saudite. Kjo është më e keqja që mund të ndodhë. E kam provuar edhe unë në vitin 1994. Ju ngrihen shumë pyetje në kokë. A ia vlen ta veshësh këtë fanellë? Sa do të zgjasë? A është kjo vetëm një çështje futbolli, apo më shumë? Është diçka dramatike”.
